政府上月實施食肆全日禁堂食惹民憤，兩日後收回決定，恢復食肆日間堂食。勞工及福利局局長羅致光早前接受港台節目《鏗鏘說》專訪，承認實施全日禁堂食令前，並無考慮戶外工作者或大受影響，直到實施首日下大雨，「大家就知原來係有咁多......咁多（人）」。被問及會否因此感到「內疚」，羅致光沒有正面回應，僅稱「自己點解會諗唔到呢」。
羅致光專訪將於今晚在港台播出，鏗鏘集 Facebook 專頁昨晚上傳專訪預告。預告片段中，主持人先問及過去十四個月，眼見「社會情況一直亂落去」、看到種種新聞片段時有何感受，羅致光稱「同香港人感受一樣，唔開心囉，見到社會撕裂，撕裂情況唔止係政府與反政府關係，而係去到家庭、朋友」。
主持人追問羅致光對社會現況有否感到「內疚」，羅致光眉頭一皺，稱自己以至政府、每位主事官員都有責任，「任何做唔好嘅嘢，我都有責任，當然撫心自問，每次做決定時，我哋係咪以自己最佳選擇嘅角度去做一個決定？」雖承認有責任，但羅致光表示，不會以「內疚」形容，「有時會覺得自己好蠢」、「咁都諗唔到？」。
實施全日禁堂食 無考慮到戶外工作者
羅致光接著主動以全日禁堂食令為例子，指在決定實施禁堂食前已有人討論，「從來冇人提過室外工作同清潔工」，「我哋真係冇諗過，但到當日落雨，吖，大家就知原來係有咁多……咁多（人）……真係無考慮到呢樣嘢」。至於會否對此感到內疚，羅致光沒有正面回應，「當然我會話其他人無提我，但責任喺我哋度，我哋諗唔到，個責任就係我哋身上，唔可以賴人點解唔話畀我聽」。
除了羅致光外，之前食物及衞生局長陳肇始接受有線電視專訪，亦提及全日禁堂食令，指市民被迫當街吃飯不理想，「如果日間禁堂食，基層市民原來無地方食飯，呢個情景當然好唔舒服。」她解釋，「我們（當初）覺得，可能好多人都可以在家工作，但原來禁堂食先發現好多人仲要返工。」陳肇始強調，政府已即時更改政策。
August 21, 2020 at 12:00PM
https://ift.tt/3hjPhNj
接受港台《鏗鏘說》訪問羅致光承認全日禁堂食令前無考慮戶外工作者| 立場報道 - Stand News 立場新聞
https://ift.tt/3edVbhw
No comments:
Post a Comment